Powered by Blogger.
RSS

පාට පාට


මම යාන්තමට වගේ ඔලුව උස්සල ඇහක් අරල බැලුවා.සම්පූර්ණයෙන්ම අරල තිබ්බ ජනේලෙන් එලිය හොදට පේනව.ලස්සන දවසක්.ලා නිල් පාට අහස මවන්නෙ වෙනම චිත්‍රයක්.පාට පාට සීනියාස් මල් පේලියක් මාත් එක්ක හිනා වෙනවා.ගේ ඉස්සරහ එල්ලල තිබ්බ වී කරල් මිටියෙන් ගේ කුරුල්ලො ටික හොදට සප්පායම් වෙනවා.අපෝයි මෝඩ කුරුල්ලො,වී ඇටයක තරම්වත් මොලයක් නැද්ද මන්ද,ඕකෙ වී ඇට හැම තැනම විසිරුනාම මම එපාය පිහිදන්න :/


ඔලුව පොඩ්ඩිත්තක් කරකවල බැලුවා,මම ඇද ඇද හිටපු සමනල්ලු ජෝඩුව එතනටම වෙලා ඉන්නව බකමූණො දෙන්නෙක් වගේ මගෙ දිහා බලාගෙන.එකෙක් නම් හොද පාටට හැඩට ඉන්නව.අනෙකගෙ පිහා‍ටුවේ බාගයයි.නොම්මර තුනේ පින්සලත් නිල් පාට තීන්ත එක්ක ගල් ගැහිල එතනටම වෙලා මා දිහා රවල වගේ බලගෙන ඉන්නෙ හරියට 'තමුසෙගෙ වැඩ කිසි කමකට නෑ' කියන්න වගේ :( තීන්ත ටියුබ් ටිකත් එයාලට කැමති කැමති තැන් වල.. අලු පාට තීන්ත එක ඉවර වෙලා..මම හිටියෙ ඒ පාටින් සමනළ පිහා‍ටුවේ බෝල බෝල ටිකක් ඇදල දාන්න.ඒත් ඉතින් මොනව කරන්නද....හ්ම්ම්ම්ම්.. :(


පු‍ටුව පොඩ්ඩක් පස්සට කරගෙන කණ්ණාඩියෙන් මූණ ටිකක් බැලුව.මූණ පුරා නිල් පාට තීන්ත.අපෝ හැටි.හැබැයි ඒකෙත් පොඩි ආර්ට්1ක් නැත්තෙමත් නෑ වගේ...මම අයෙමත් හිස් අහස දිහා බලාගෙන කල්පනා කරන්න ගත්තා.

ඊයෙ තිබ්බ අදුරු පාට වැහි වලාකුලු අද අහසෙ තිබ්බෙ නෑ,අහස පැහැදිලියි,වලාකුලු තිබ්බමත් අහස ලස්සනයි,ඒත් වලාකුලු නෑ කියල ඒකෙ අඩු පාඩුවකුත් නෑ වගෙයි මට නම් පේන්නෙ..මගේ ජීවිතෙත් හරියට ඒ ලා නිල් පාට අහස වගේ.පුදුම හිස් බවක් දැනෙන්නෙ....ම්ම්ම්ම්..ඒ උනාට ඉතින් ඒකෙ ලස්සනක් නැත්තෙමත් නෑ කියලත් හිතෙනවා..




පීක් පීක්...ම්ම්ම්ම්,කව්ද ඒ..මම ජනේලෙන් පොඩ්ඩක් බෙල්ල දාල බැලුව.හපොයි පියුම් මාමගෙ දඩු මොණරෙ..නැගිටින්න කම්මැලී.මම ගොලුබෙල්ලෙක් වගේ අයෙ මේසෙට ඔලුව තියාගත්තා.අම්මා බලනව නැතෑ....'කව්ද කියල බලන්න ළමයෝ,ලියුම් වෙන්නති' :/ අර්ර්ර්ර්ර්ර්ර්ර්ර්ර්ර්ර්ර්ර්ර්ර්ර්ර්ර්ර්ර් වෙන්නැති නෙමේ ඔව්.මම නිකන් රතු ඉන්දියානු ගෝත්‍රිකයෙක් වගේ මූණ පුරා පාටත් උලාගෙන පියුම් මාම දිහෑවට දිව්ව.'මොකෝ දරුවො මේ හැමතැනම පාට' එයාටත් ඔනෙ නැති දෙයක් නෑ :/ මට කොහොමත් එයාව ටිකක් ඇලජික්.ඇයි එයා මට කියනවනෙ,'මේ දූ හැමදෑම එකම ප්‍රමාණෙ.ලොකුවෙන්නෙම නෑ' :/ 'ඉතින් ඔහෙට මොකෝ'..කිඅල අහන්න කටට එන වෙලාවල් නැත්තෙමත් නෑ ඉතින් මට.ආත්ම ගෞරවය කියන එක ‍රැක ගෙන ඉන්නව ඉතින් මම.මට නැති උනාට ගෙදර මිනිස්සුන්ට තියනවනෙ ඉතින් ඒක වැඩිපුරත් එක්ක...මම ලාවෙන් හිනා වෙලා අයෙ ගේ ඇතුළට අඩි මැන්නා.

අද නම් ටිකක් හොදයි වගේ,,බිල් පත් කිසිවක් නැ,,ම්ම්ම්ම්..රට ලියුමක්,තිබ්බෙ මගේ නමට.. :D පොඩි කාලෙ තිබ්බ පිස්සුවට මම ඉතින් සුද්දොන්ට ලියුම් ලිව්ව.එයින් එක්කෙනෙක්ගෙන්..ලන්දේසි කාරයෙක්.. :/ මට ඒක කියවන්න කිසි ඕනකමක් හිතට අවෙ නෑ :( ලියුම කනප්පුව උඩට විසිකරලා මම අයෙ මගේ කාමරේට රිංග ගත්තෙ අර මෝඩ සමනලයගෙ ඉතිරි පිහා‍ටුව ඉවරයක් කරල දාන්න.ඒත් මට ඒකෙ පාට ගලප ගන්න තේරෙන්නෙම නෑ.මම ආයෙ නිල් අහස දිහා බලාගෙන හිටියා.ඒක හිස් බැල්මක්,හරියට මූකලං බස්සෙක්ගෙ වගේ,,ඒත් මනසට සිතුවිලි ගලාගෙන අවෙ හරියට මහා ජල ගැල්මක් වගේ.....හ්ම්ම්ම්ම්... :: 




 ඊයෙ වගේ අලු පාට වැහි වලාකුළක් ඇවිත් වැස්සක් වැටෙනව නම්...කොච්චර හොදයිද...මටත් පිස්සෙක් වගේ ඒ වැස්සට තෙමෙන්න තිබ්බ.හෙම්බිරිස්සව හැදෙන එක වෙනම කතාවක්,,ඒත් ඒක හරිම ශෝක්.. :) හචිං යනකොට කොත්තමල්ලි තම්බල දෙන්න අයත් ඉන්නවනෙ..:)ඒත් අද වැහි වලාකුල ඇත්තෙම නෑ වගේ..අහස හොදටම පැහදිලී.දිලිසෙන ලා නිල් පාටක් තියෙන්නෙ.අලු පාටට වඩා නිල් පාට හොදයිදත් මන්ද..කොච්චර බලාගෙන හිටියත් අද නම් වැස්සක් එන ලකුණක්වත් නෑ.ඊයෙ තිබ්බ වැහි වලාකුල ඈතටම ගිහින් වගේ..හ්ම්ම්ම්ම්ම්ම් 





ඒත් ඉතින් අයෙ වහීවි :)



Related Posts Plugin for WordPress, Blogger...
  • Digg
  • Del.icio.us
  • StumbleUpon
  • Reddit
  • RSS

7 දෙනෙක් අදහස් කියලා:

C said... Best Blogger Tips[Reply to comment]Best Blogger Templates

lassanai :)

මානය said... Best Blogger Tips[Reply to comment]Best Blogger Templates

ලස්සනට ලියල තියන්ව.... දිගටම ලියන්න නංගි ..සුභ අනාගතයක්...

සුරංඟනාවී said... Best Blogger Tips[Reply to comment]Best Blogger Templates

ස්තුතියි

සචිත් said... Best Blogger Tips[Reply to comment]Best Blogger Templates

හරිම ලස්සනයි ... :D

ධමිමික ස‍‍දරුවන් said... Best Blogger Tips[Reply to comment]Best Blogger Templates

මේකට Blog Archive එකක් දැම්මා නම් අනිත් ලිපිත් ලේසියෙන්ම කියවන්න පුළුවන්.ලස්සනයි

gihan mendis said... Best Blogger Tips[Reply to comment]Best Blogger Templates

nice :)

සුරංඟනාවී said... Best Blogger Tips[Reply to comment]Best Blogger Templates

හා..ස්තුතියි..

Post a Comment