ආදරණීය නෑනාට ලියමි....(නෑනා වැනුම-1)

දිග කොන්ඩෙ පිට මැදට
කැරලි කෙස් සුදු මුවට
මල් ගවුම ඇදි වතට
හිනැහෙන දෙතොල් රතට

කතා පවසන නයන
මියුරු ස්වර ගී ගයන
අයියාගෙ සුර අගන
නෑනා ලදකි සොබන

කට ටිකක් සැර ඇතී
‍රැවුම් ගෙරවුම් ගතී
මද නැතත් යහපතී
අයිය යහමග යතී

ආල බර කතාවක්
අවසනදි විවාපත්
ලෙස ගෙනා නෑන වත්
වුණි අපට අපේමත්

සුදු නංගි මා ඇගේ
චා‍ටු පවසන රගේ
ආදරේ දෙන අගේ
මගෙම අක්කා වගේ

ලද බොලද වදන්ය
පවසන්නෙ සෙමෙන්ය
ඈ ඉන්න ඉදිරිය
අයිය හා පැටියය

හැලි වලන් ගැටි කරේ
වැ‍ටුනමුත් ඉදහිට වෙලේ
අයිය නෑනා කෙරේ
ඇති සෙනේ නෑ වියැකුනේ

පනට පන මෙන් කිරි පැණී
දිවි ගෙවයි හරි සෙනෙහෙනී
මල් සිනා ඇගෙ මුවගිනී
නිවස සුර ලොව රස ගනී......................